Ingredientes:
- 500 gr de cogomelos: é recomendable empregar cogomelos doces, como os anises do monte, os pés azuis, as cantarelas...
- 300 gr de azucre.
- Un limón.
- Canela en rama.
Preparación:
- Nunha cazola patela, bótanse os cogomelos moi ben picados xunto co azucre.
- Cóbrese con auga e engádeselle unha pela de limón e unha ramiña de canela.
- Déixase cocer con pouco lume, ata que se forme un amoado de consistencia semellante á marmelada. Retírase e déxase arrefriar.
- Pásase pola batidora para homoxeneizalo e pódese servir tal que así ou en botes de vidro.
- Se queda moi doce, pode engadírselle pingas de limón para suavizalo.
Cogomelízate!
No hay comentarios:
Publicar un comentario