Licor de cogomelos

Era unha promesa que xa os fixera hai dúas entradas, así que hoxe vos presento o licor de cogomelos, co que triunfarás nas sobremesas familiares.

Os licores de cogomelos deben realizar con cogomelos olorosos, os máis habituais: Cantarellus cibarius, Cantharellus lutescens, Craterellus cornucopioides, Lepista nuda e Clitocybe odora.

Preparación dos cogomelos: Poñemos a ferver os cogomelos cun vaso de vermú branco (podes empregar o vermú galego Nordesía), 2 cravos, 1 ramiña de canela e un anaco de pel de laranxa seca durante 4 minutos. Escórrense ben os cogomeloos e se deixan arrefriar.

Adición do licor: Póñense uns cantos cogomelos preparados nunha botella de colo ancho e reenchemos con licor, a gusto de cada un (o máis habitual en Galicia, augardente e derivados). No caso de licores moi fortes, podemos corrixir o sabor final cunha parte de xaropa. Se deixa que se faga o licor durante uns meses e transcorrido ese tempo podemos usalo como bebida pero tamén podemos usar os cogomelos que hai no seu interior como ingredientes para determinados postres.

Cogomelízate!

Hai cogomelos en Galicia?

Non podo crer que nunca viras un cogomelo en Galicia! O Centro Forestal de Lourizán ten feito un cálculo aproximado; e é que en Galicia producimos cada ano 120 quilos de cogomelos por hectárea, o que nos da uns ingresos aproximados de 12.020.000€ segundo o biólogo Antonio Rodríguez Fernández , que traballa como asesor para A Xunta de Galicia.

Este biólogo, que ven de dar conferencias sobre o mundo da micoloxía, a ciencia que estuda o universo dos fungos, destaca a importancia de coidar os nosos bosques e as nosas árbores. Préstalle especial atención aos carballos, castanos e pinos. Sabías? Os nosos bosques ten especies tan demandadas como a Boletus Edulis (que en galego ten o nome de Madeirudo) ou a Cantarela Cantharellus Cibarius (que en galego ten o nome de pan de cabra).

Non teñas medo, amante do cogomelo; aínda que hai un pouco de expolio nos nosos bosques, en Galicia ningunha das nosas especies está en risco de extinción.


Cogomelízate!

O cogomelo...

O Míster Cogomelo nace nas fragas, nás árbores, nas pedras. Nace do vento e da choiva. Cada outono, volta aos terras galegas, escondido e esperando a colleitado. Cada outono, centos de galegos voltan aos montes, coma nun rito ascentral, na procura destes fungos que tan ben casan neses platos da lareira. Os galegos, xente sabia, tenlle moitos nomes aos cogomelos; ten bo coidado de non atoparte cun pan de sapo:

No blogue Místero Cogomelo procuraremos información sobre os cogomelos de Galicia, da súa tradición e colleita. E se temos tempo, e queres, podemos falar de como cociñalos. Se tes algunha proposta para este blogue, podes remitila por e-mail a misterocogomelo@gmail.com

Cogomelízate!